Nun ye bono qu'Ish siga
solu. Y esta fin de selmana apaeció Doishshah. Esti YHVH d'agora
apreta pero nun afuega.
domingo, 31 de mayo de 2020
sábado, 16 de mayo de 2020
Ñatura dotóme d'una tiesta cabrona,
una d'eses a la que de xemes en cuando-y da por garrar circunferencia
p'alloriame. Que los complexos, como diz Jung, son autónomos, eso
sélo yo dende los cuatro años. ¿Qué fixi güei? Caleyar al debalu
llegalmente en tiempu, distancia y forma, per primer vegada dende
l'estáu d'alarma.
lunes, 11 de mayo de 2020
YO YE QUE SO PORTUGUÉS
1
La fase 1 ye un esparate.
La Policía alcuéntralu a usté andoliando perhí a ocho quilómetros
de la so casa na franxa horaria que-y tien salío de los coyones, los
axentes párenlu, entruguen y usté-yos retruca que va a una terraza
dos quilómetros más allá a tomar un café con lleche con dos de
zucre. Val lo mesmo pa la moto multiplicaos los quilómetros por
diez.
2
Salgo del Santu Oficiu a
les ocho la tarde y yá nun son solamente ciclistes, corredores y
peatones sinón tamién el tráficu a gasolina del Antiguu Réxime.
La fase 1 ye un esparate, con más xente a rostru descubiertu
qu'amazcarao.
3
En dalgunes terraces
fórmense fileres, fanáticos del aire llibre, parque d'atraiciones
d'Europa, ágora de filósofos de titular de periòdicu a toa páxina.
4
Ríndome, entiéndolo,
inda me sorprende qu'al español-y tengan consiguío zarralu dos
meses en casa. Yo ye que so portugués.
Suscribirse a:
Entradas (Atom)