EN MOU CARPE DIEM

Treixadura, godello, loureira. Toén (Ourense). Nun ye esti'l ribeiru a granel que se bebe en cacíu. Esti ribeiru pide copa. Acaba unviame Semicritic pel WhatsApp un enllaz a la fin d'equí a trenta años de la faza costera na que tamos viviendo pero toi en mou carpe diem col pulpu y les pataques qu'acompañen y acompanguen con esti vinu blanco. Bebemos poco pa lo que mos pasa, diz Salvatore lo Piccolo, de la mafia les vieyes costumes, seición menor qu'entá conserva puru l'espíritu orixinal del Santu Oficiu, tan amariconáu güei con tanta fatocracia. Presta llegar, aparcar la Vespa y velu no fondero chando un pitu, bonos díes, Salvatore, bonos díes, Cadarma, ¿qué fai usté per equí? Bebemos poco pa lo que mos pasa.

1960/61

Xixón ta que ruempe'l pluviómetru. Payares nun da tregua. Cafien l'agua y el cutu. Yá ta bien, ho.

Un añu dempués, Xose Albertu, l'home d'Ikea, va dir pa la puta cai, despidíu del Sporting, que malalienda. Solo una vegada en tola so hestoria nun foi pa Tercera (Segunda B) porque Dios, con una moneda, nun quixo que baxare. O la Virxe de Cuadonga, que ye la so ma d'equí. Tábemos (bono, meyor “taben”, porque la Cadarma entá nun ñaciera) na temporada 1960/61, que'l Sporting, entós “Real Gijón”, prohibíes les pallabres foriates (“Real Xixón” tampoco nun valía -nun val nin güei-) yá sabéis por quién, finó mui finamente en puestu de promoción pola mantenencia, na que'l Burgos, de Tercera, corónos. Baxáremos a Tercera pero tate que nestes amiya la palomba l'Espíritu Santu cola anuncia que'l Condal de Barcelona refuga siguir xugando en Segunda y que'l so llogar vamos ocupalu nós, yá veréis. La Federación entama n'agostu en Mallorca un tornéu ente equipos con drechu a ocupar la plaza vacante. El Sporting xuega la semifinal contra'l Castellón y empata a dos nel tiempu reglamentariu nel minutu caberu y de penalti, y a trés na prórroga, poro la mantenencia ha de llograla per aciu una moneda que va esnalar. Fácil: la palomba (a una ma nun se-y lleva enxamás la contraria) gárrala col picu y selemente la posa en suelu favoratible al Sporting. Na final, ganemos al Atléticu Sevilla (2-1). Y asina foi como nun baxemos pa la Tercer División.

-A los que votaron a Vox salió-yos el tiru pela culata. ¿Nun ye asina?
-Hombre, Senén, está aquel dicho de que si no quieres caldo toma taza llena.
-Tamién ye verdá. Buenes nueches, don Fernando.
-Que duermas bien, Senén.
-Como un ñácaru, don Fernando.

REFLEXIÓN

-O este es un equipo inflado propio de EscalerONA y AcerONA o José Alberto no tiene ni puta idea y no sé cómo se las arregló con el B.
-Pos afayase, ellí afayóse bien, nin. Yo fui'l primeru en querer velu nel banquín. Yá sabes: dicen que lu punxo l'afición.
-Errar es humano y de palafreneros herrar.
-¡Coimes, mira quién ta equí!
-Buenas noches, don Fernando.
-Senén. Señor Administrador.
-Tamos con Irrepetible. ¿Péta-y un, don Fernando?
-Hace.
-Metidos en jornada de reflexión, estábamos hablando de José Alberto.
-Que diz qu'alcontró'l camín.
-Dislate del orate, que deambula.
-¡Coñu!
-No se prodiga usted nada por el foro.
-Pronostico. ¿Brindamos por quién?
-Polos coyones que güei tuvieron quien foron al Templu.
-Eso es brindar por qué. Y brindemos pues. ¿Y usted, señor Administrador?
-Por Abascal (encabalgamiento)
en la oposición.
-Brindis de mil amores. Me tocan mucho los cojones los meapilas de la patria por la patria.
-Reflexión.
-Salud.
-¡Puxa Sporting!

La tiesta la Cadarma españó col cambéu d'hora. Lo que nun fixo la vacuna fixéronlo esos sesenta minutos de más. Güei, un tiempu atmosféricu románticu ta a pre col desasosiegu l'autor. Pa mio qu'eso d'adelantrar y atrasar les hores foi idea d'un robó. Pa cuando algamó ún l'estáu d'equilibriu apliquen la idea l'androide y a tomar pel sacu'l tiempu bonancible.

Equí la cosa ta en tocar los coyones bien tocaos. Unos y otros. Los del pitu prietu no mariello tán falando de dictadura (tán bonos) y el Pablu Ilesies fala d'escoyone de los del pitu prietu por tene-y fecho a la momia un segundu funeral d'Estáu. El casu ye que'l muertu resucitáu (nun andaba Vizcaínu Cases mui perdíu) morrió na cama, nun sé si m'entiendes. La esquierda d'esti país, vengando a la república, mató a un muertu. La drecha tará escoyonándose, nun digo yo que non.

Ye una tortura ser un perfeicionista nesti país de chambones. Val más mercar colos güeyos piesllaos y nun mirar más lo que mercasti: da-y usu y si furrula pos nada más. L'acabáu perfeutu nun ta na tiesta'l téunicu. L'arte morrió.

Ye un colgáu. Si hai daquién susceptible de colgase, esi ye Senén. Pone-y delantre les ñarices a Senén cualesquier sustancia en potencia adictivo ye apostar de xuru a que termina cañicándose nello.

Senén bebe (ta esta nueche convidáu a un Gran Cermeño crianza de 2015, DO Toro), Senén fuma (dende que don Fernando lu punxo a trabayar yá nun mos gorria los pitos), Senén da-y al café puro como p'arreventar trés corazos. Senén escribía ensin parar a la puerta la ilesia San Llorienzu en papeles apañaos pela cai. Agora que gana perres en nómina nun tien tantu tiempu. Nun yera Senén poeta malu. Peritos filólogos tomaron un poema d'él que-y dexara a un amigu pa lligar por un poema escuru de Gamoneda, asina que nun tamos falando del méndigu qu'escribe patoxaes en versu.

-Senén, ¿lleísti a Gamoneda?
-Na mio puta vida, nin.
-Escribiéstilu en castellán, digo yo.
-Supongo.

Tamos falando d'un paisanu que se pasa pel forru los coyones la notoriedá de los enólogos, los baristes, los espertos en tabacu, los escritores y los filólogos con plaza. Pero que ye obsesivu.

TITIVILLUS DE VÍA ESTRECHA (VERSIÓN QUE-Y VA PRESTAR AL ALBEITE)

Llector de mañanes de El Comercio o La Nueva España (el periódicu qu'haiga disponible), col carburante d'un café con lleche con un sobre de zucre'l celebru cálase en determinaos titulares compuestos pola pluma'l degorriu Titivillus. Súme-y a esto los conteníos propios de la prensa y si con ella nun acaba espertando ye que nun tien usté'l día y más-y val pidir la baxa llaboral. En La Caleya Imaxinaria nun mos ufierten El Mundo, asina que l'únicu AVE de la información que los veceros tenemos al algame ye El País. Pero los veceros separtámonos ente quien escoyemos viaxar al llabor nos cercaníes de vía estrecha y quien opten pol tránsitu infantil del carrusel deportivu: As, Marca (el Sport nun lu agüeya nin Dios). Cuando la cosa n'España se pon gorda, pillo billete d'AVE; y de pasu algo ameyora la gramática, anque tenga qu'espertar pol puru conteníu de lo que davezu pasa nel país.

ENUMERACIÓN (SÍ, YÁ SÉ, TA N'ASTURIANU, QUÉ-Y VAMOS FACER)

La cadarma la pantasma Francu, les sentencies del Tribunal Supremu que solo-y tán prestando a Sánchez mientres que pa unos son una puxarra habida cuenta de que tuvimos énte un golpe d'Estáu y pa otros son escomanaes porque la declaración d'independencia foi un cuentu chinu pa catalanes pininos, la crisis económica que s'avera, el cambéu climáticu, la xente amenorgao a almes en pena camín en filera del Santu Oficiu, el desgobiernu, la crispadura na cai... Too eso enumerao perriba, ensin falta escargatar. Menos mal que güei ye martes vienres y tenemos dempués de la cena per delantre “El papa mozu” porque, si non, yera cosa de garrar un cuchiellu cocina y facer un día de furia.

EL DÍA FATU

Cuidáu, que güei ye'l día fatu nel que'l llector del Lidl nun te lleó la tarxeta y amás cayóte aceite nos deportivos caros, nun vaiga pasar a mayores. La verdá ye que la xera (que ye folgancia en sábadu) entamó bien que bien almorzando nel periódicu'l cume'l bipartidismu na Toxa, utre carroñeru eleutoral. Apaez de nueves Felipe (qué aburrición de paisanu) col aburríu Rajoy pa dicinos a dos boques que lo meyor pa España ye un consensu PPSOE. Cuasi prefiero que'l llector nun me llea la tarxeta y que siga cayendo aceite nos deportivos caros.

OTITIS MEDIA

Hoy más de uno se habrá cagado en el conductor de esa Vespa azul que hacía las rotondas como un tabique, inclinando aterrorizada apenas unos grados.

-¿Escaecisti de sópitu andar en moto, ho?

-Voi date, Senén.

Túmbese ahí, vamos a quitarle las costras. La otitis media, había afirmado la doctora Glez., era más que seria: tratamiento inicial con gotas de última generación, por si las moscas quieren que penetren más de lo recomendable, no te vayan a joder...

-“A mancar”; nun diría “a joder”.

-No recuerdo qué dijo, Senén. “Mancar” no; “joder” menos. Le pega a la doctora Glez. haber dicho “a hacer una avería, Juanca” y luego, volante mediante, aspiración, vamos a quitarle las costras. La otitis media, había afirmado la doc...

-¿Eh ho?

-Mierda, Senén. Todavía tengo afectado el tímpano.

-Xá toi viendo, xá. Tas faciendo un discursu n'espiral d'enfilamientu surrealista, o de tímpanu afeutáu, qué sé yo. El casu ye que yá lo toi viendo: garrasti la Vespa cola to exa de gravedá torcida y nun t'hostiasti porque Dios nun quixo; y pa encima les gafes tiesles más caducaes que la fariña qu'un día mercasti nun ataque Arguiñanu. ¿Ye asina o nun ye asina?

-Así es, Senén.

-Bueno, que gane'l Sporting el domingu.

-Que gane.

TRES OJOS TEMPRANILLO Y SPORTING 4-2 ALMERÍA

Cena con Tres Ojos, tempranillo de Cervera de la Cañada, DO Calatayud. El Sporting ha podido jugar como sabe, ha sabido jugar como puede y ha cenado en Gijón con un Cuatro Goles, uva jeque millonario de la zona Desierto de Almería. El Molinón ha descorchado las botellas y en un brindis a la luna le hace un guiño al espejo de la imagen 0-1 azul de Tenerife. Otra vez será, hermanos. Hablando de hermanos, métase en Twitter, pulse “oficialidá” y se encontrará con la de Caín y Abel. Quién Caín, quién Abel va en gustos. Senén, deje de trastear con la Vespa y en Cadarma de la llingua pronúnciese.

-¿Cómo ye, ho?

-Que dexe usté de rabilar cola Vespa y escriba daqué del discutiniu ente los favoratibles a él y los que tarrecen l'asturianu.

-Quiciabes mañana, hom.

-Presto y sin ambages.

-Xá se dirá viendo mañana, hom.

VELEA CANINA (2). Y ÉL ESMOLECÍU PORQUE PENSABA QUE LLUNA TABA DEXÁNDOSE MORRER

La muyer albeite…

Vamos pero pa la de siempres, la de les vacunes. Entra.

-¿Tu sabes lo que ye carretar na perrera con un solu brazu un bichu de dolce quilos? Pesu en mancuernes el que quieras, ¿pero d’un brazu pal otru parando y posándola, asina seiscientos metros de dir, seiscientos de volver, y ensin tener dormío una mierda en tola nueche?
-Coñu, garrares un taxi.
-Tan esmolecíu taba que preferí carretar con ella. Llegué col aliendu xusto.

Les pastilles de l'albeite taben bien pero mui besties ensin proteición. Indición al bichu. Nun-y les quitar de repente pa evitar efeutos secundarios. Proteición. Dir dándo-y estes otres y esto otro y esti piensu especial.

...

Salir del Santu Oficiu, dexar la Vespa de Senén nel garaxe, prender un pitu y dir pa casa pensando en con qué pues topar: l'estropiciu y un cadabre, l'estropiciu a soles, el cadabre llimpiu arrequexáu, qué facer col cadabre a estes hores, menudu putadón, Lluna arrequexada pero ¡Lluna! Lluna espierta y mírame, ta viva. La comida toa nel comederu. Ábro-y un yogur, de los caros, bífidus, 0,0, con cereales y ñuez: que pa mio, que non, que nun ta pel llabor de cenar. Mézolo col piensu. Peor. Nada. Esta perra polos mios coyones qu'entá nun va morrer; si la melecina fixo efeutu'l quesín tien de ser irresistible. Pastilla y quesín éntren-y a la perra resucitada, resurreuta, cabrona. Paez ser que la melecina pa les ganes de comer solo val pa llambiotaes, non pal piensu especial nin pal yogur. A ver, ¿qué mas llambiotaes hai dientro l'armariu perllimpiu y ordenáu del llar que ta queriendo ser zen? Atún claro al natural, ensin aceite, nun vayamos matala de sobredosis. Na mano doi-y un poquiyín y, coimes, solo-y faltó baillar la danza prima. Hai que ver con estes melecines modernes, tu: nin vomitó en tola tarde y come quesinos y atún claro. Non, pel momentu morrer nun va morrer pero en Lidl voi tener que face-y la compra y acompanga-y l'atún con salsa Lixeresa. Yá si eso quiciabes mañana-y pete un albarín.

VELEA CANINA (1)

Dos telediarios…

El cafiante soníu’l vómitu.

Remanecíu de nun sabe qué tenebreru a les 3,40 de la mañana, por Dios que nun tenga sío onde va tiempu que lo ta imaxinando en velea en vixilia.

Hai dos años que punxo suelu nuevu en casa, ún d’esos de cartón que son bien duros pa les sueles pero pal agua (y pa los vómitos, y más pa los vómitos líquidos de doña Lluna) más malos que pegar a un pá.

Llevántase de la cama con toles telarañes del tenebreru. Sal pal pasadoriu. Cágase en too porque nun ve a doña Lluna na so cama.

Más soníu de vómitu.

La velea fíxose realidá.

Líquidu mariello espardío per tol suelu la habitación que ta enfrente la entrada.

Pis y mierda líquido nel bañu (eso ye lo de menos).

Son les 3,42 de la mañana, una hora coyonuda pa dir corriendo a por un rodiellu a la cocina, dir corriendo coles telarañes a la habitación del estropiciu, mover muebles, agachase, llimpiar, mover muebles, agachase, llimpiar, mover muebles, agachase, llimpiar, mover muebles, agachase llimpiar, mover muebles, agachase, llimpiar, pasar mopa y mover muebles y pasar mopa y mover muebles y pasar mopa y mover muebles…

-Yá ta, hom. Déxalo.

-¡Cago en mio madre, que dempués entamen a hinchar les xuntes!

-Tán bien seques, hosties.

-Teo d’aspirar l’agua que pueda quedar n’elles.

-Que son les cuatro, coyones. ¿Qué quies? ¿Que te la monten los vecinos? Meti a Lluna na cocina, pon-y ellí la cama, pieslla la puerta y que vomite tolo que quiera o puea. Coles pa la cama, pones el programa esi del orixe la vida na Tierra y vuelves a dormir.  

8.45. Tenía puestu l’espertador a les diez. Retrasáralu dempués de los socesos. Pero 8,45. Mexa y entra na cocina. Vómitos mariellos. Fregona. El comederu sigue enllenu: nun comió res en tola nueche. Ofrez-y un cachu quesín. Güel-lu un poco y acaba comiéndolu por compromisu, por nun-y facer un feu al dueñu puteáu. El segundu cachu refúgalu. Hosties, esta perra ta morriendo.

Non, nun muerre, non. Adelantrándolu, cuerre escaleres p’abaxo a la cai. Mexa, trotia, caga líquidu y vomita líquidu y quesín. Ta escosándola la cortisona, la reputa que parió a l’albeite.

El soníu la contraición y el vómitu. Seis vegaes. Tola santa tarde. Na so vida-y pasare eso, asina que-y chamos la culpa a les pastilles, que vamos dexar de da-y. ¿El Sporting-Racing? Ente vómitu y vómitu. Poco -nada- podemos dicir d'él. Tamos tocando madera pa que lo de doña Lluna seya que comía poco y non un cáncer de páncrees, pa que los vómitos tengan venío de la cortisona escondío nel atún y los quesinos y pa que esta nun-y siga faciendo efeutu dempués de la cena porque al contrario yo tírome pela ventana.

P'allá va'l piensu y que seya lo que Dios quiera.

...

Ta rara. Acabo mete-y zucre. A esta perra quéden-y dos telediarios.

PONFERRADINA 2-1 UVIEÍN Y SPORTING-RACING

Sol y ensalada César. David Gilmour en Spotify. L'Uvieín va ganando en El Toralín cero a un a la Ponferradina. Ribeiru tinto. A les cuatro vamos ver si X.A. pon a Manu onde lu tien de poner visto qu'esi esperimentu tan raru con Manu tiráu a banda nun furruló. Empata la Ponferradina. La temporada pasada'l Racing taba en Segunda B. Esta temporada, el Sporting da perceguera, ye esmolecedor.

Pa poco más queremos güei esti sol con ribeiru tinto y ensalada César. A ver si somos quien a ver enteru'l partíu: sedríe la primer vegada na 2019/20. Adelantróse (2-1) la Ponferradina. L'Uvieín nun espoxiga, nun ameyora, nun alica, nun espolleta, nun xorrez. L'Uvieín, l'equipín d'Asturies. L'Uvieín va xubir a primer división cuando lluevan ranes. El Sporting nun sé.

Tamos equí col Casal do Río esperando a que fine l'alcuentru d'El Toralín pa pesllar el testu. Llueu quiciabes venga una película, o un cachu d'ella pa dempués siguir colos llabores del llar que quier ser zen. A les seis el Sporting-Racing. L'Uvieín ta impotente, queda mediu minutu. Dos puntos de ventiún.

EL FORNU LA GUARNICIÓN DE LA CADARMA

Foron esos cuatro años (1979-1983) el fornu onde se cocinó la guarnición de la Cadarma. Cuarenta años dempués equí la tienen tovía escribiendo. Cuarenta tresllaciones alredor del Sol nun son cosa que se puea tomar a risa. Son cuarenta tresllaciones aborronando papeles con pallabres fraguaes cola materia trupo d'aquellos años. Lo que nun ye guarnición ye anterior y ehí sigue dacuando tocando los coyones.

La guarnición entamó a cocinase a 858,6 quilómetros diendo güei pela A-4 y finó na cama con Ada o l'ardor con Aute de fondu. Tolo demás, quier dicise dempués, foi un dir tirando como un güe del carru cuchu en que camudare la guarnición. Tamos agora a puntu de mandar toa esta repla pel sumidoriu d'entós que ta a 858,6 quilómetros diendo güei pela A-4. Bono, cuasi tola repla.

HAI DÍES

Hai díes nos qu'a ún más-y val nun llevantase de la cama y más tovía nun abrir los güeyos pa siguir protexíu nel mundiu submarín de los suaños anque un talu Ernestu te torture con un fierru ingrientu no baxero'l vientre. Bien ceo pela mañana a doña Lluna volvió da-y l'ataque borrachera, n'ayunes, colo que la indixestión queda escartada, ne, y güei ye xueves y non domingu, asina qu'al cuellu y del albeite nun te llibra esta vegada nin Dios, nun me mires con esa cara. Analís de sangre y en media hora tán los resultaos. WhatsApp pa los trés íntimos, Lluna talo y talo, el cafetín con lleche y xelu, dos pitinos güeyando La Nueva España y pa u la muyer albeite, que, amosándome l'analítica impresa, creye que ye cosa del zucre, lo que vien siendo una hipoglucemia llibru; que tendríemos que ver d'ónde vien, una ecografía pa escartar el cáncer de páncrees y si ye necesario operar a doña Lluna.

-Espere, ho. ¿Usté sabe cuántos años tien el bichu? Quince. A doña Lluna nun la abre nin Dios nin gratis.
-Yá...
-Si tien de morrer porque-y llegó la hora, mientres nun sienta dolor que siga p'alantre tomando tolo que seya necesario, que por perres nun ye, ¿pero tayala? Non, home, non.

Ayeri ye güei y doña Lluna, col engañu les pastilles escondíes n'alimentos que-yos presten a los perros y una ración más de comida diaria, trotia y fasta blinca con ganes de fiesta, bien coordinada. Nun mos paez la cosa cosa de cáncer. Sicasí, ayeri foi'l día pa nun espertar, el día que tres lo de Lluna morrió la batería la Honda. Tamién ye verdá que Lluna va pa quince años y la batería pasa de trés y que nun se puen pidir milagros.

L'ONÍRICO

Antayeri tuvieren falando na cai a la puerta'l Santu Oficiu d'Oscar W., que tien una obra que se titula “La importancia de nomase Ernestu”. De resultes, esi talu Ernestu pasó parte la nueche torturando a la Cadarma con una barra llétrica no baxero'l vientre que-y dexó dos angüeñes que pela solombra los güeyos zarraos siempre camuden n'aceitunes verdes qu'alloriáu amosó a la Eximia, que sintió gran pena por él y entamó a comelu a besos pesie a qu'al talu Ernestu, camudáu nun CD, matáralu cutiendo nél, porque les dos aceitunes verdes pudieron más que'l CD frayáu cola imaxe'l talu Ernestu y a lo cabero nin aceitunes, nin tortura, nin barra llétrica nin CD frayáu cuando la Cadarma cayó na cunta que la Eximia nun yera doña De, la dama del so pensar na zona los güeyos abiertos, na que sabe que gana un llector pa perder diez.

ASTURIANÍA

Dempués de los trienios qu'atropa dende'l 97 col vinu a ver quién ye'l guapu que-y vien col cuentu de que carne roxo siempres con tintu agora que lo amarida colo que-y peta, qu'esta nueche ye un Nivei 89 Peñín, d'uva non asoleyao; lo que seya por esmucise pel furacu l'escaecimientu nestes hores caberes lloñe del tratu, por coyones y manduca, cola xente. La xente ta perconvencío de que la vida nel universu ye un milagru y fasta'l más fatu nun quier morrer cuando-y sal un granu nel cuerpu nun vaiga ser que l'universu quede ensin recursos. Esto cafia de la Dios, nun fadien.

Camiento que güei solo va siguime, espublizaes estes pallabres, l'albeite. Y yo m'entrugo: ¿tán los asturianos pa la cooficialidá? Esto mete mieu. Agora que, qué quier que-y diga: cago pal asturianu que nun tien nin puta idea de lo que tamos falando y amás tarrezlo y llueu farda d'asturianía porque ye quien a metese pel gargüelu una caxa sidra. Home ho, que nun me toquen los coyones. Asina mos va perequí, que somos la risión.

Podemos nomalo'l milagru l'agua ferviendo. Tamos llimpiando a vapor un mueble cocina de 1980 y amás de desinfestáu paez que lu metimos na máquina'l tiempu p'atrás.

Esta tarde doña Lluna pegónos un bon sustu. Andolia al debalu per casa, cai, llevántase, nun sabe ónde va, vuelve a cayer, llevántase, buscamos nel smartphone'l númberu de teléfonu de dalgún albeite que tea disponible en Xixón, de xuru que foi la llende trociada de carne que-y dimos pa xintar a falta piensu, cago en ros, pa matanos; ¿pero y si nun yera eso?, ¿si yera que-y llegare'l día? Nun muerras, Lluna; nun me faigas eso un domingu, ho, cago en mio mantu. Garrámosla en cuellu y ponémosla na so cama, quitámos-y el collar, tamos un cachu a la vera d'ella, cariciámosla, tranquilina, Lluna, nun muerras, yá tenemos el númberu d'un albeite, yá tamos pensando en llamar un taxi qu'almita mascotes anque paez que Lluna, chada, va ameyorando.

Tamos (plural maxestáticu o asociativu, nun sé) na Caleya Imaxinaria y tuvimos que peganos con doña Lluna pa que quedare en casa. Puta que la parió.

STAR TREK, FERMI, DRAKE Y LA MADRE QUE LOS PARIÓ (2)

Ye más probable que los platinos volantes que dalgunos quieren ver nos cielos seyan máquines del tiempu nueses, como los paisanos que mos ayudaron en Interstellar, que yéremos nós nun futuru remotu, porque amás de tar la estrella nuna zona afayadiza galáctica, decíemos qu'a mediu camín o más tirando pa la periferia, el planeta tien de tar nuna zona afayadiza solar, onde l'agua seya un líquidu constante, facedor disolvente de vida. Nuna zona afayadiza solar y arrodiando'l sol lo más circularmente posible. Y cola exa de rotación que nun vaiga pa los llaos, estáu que-y debemos a la Lluna, satélite pergrande. Los satélites vienen, como los planetes, de la ñube protoplanetaria. La Lluna non. La Lluna foi'l resultáu de la casualidá d'un hostiazu que-y metió al nuesu un planeta del tamañu adecuáu nel sitiu adecuáu...

-Arrincándo-y un bon bocáu.
-Eso. ¿Mañana'l Sporting qué?
-Si X. A. ye quien a chalos p'alantre...
-Ensin despistase en defensa.
-Teniendo'l balón.
-¿Sabrán?
-¿Nun van saber, ho?
-Nun sé yo.

STAR TREK, FERMI, DRAKE Y LA MADRE QUE LOS PARIÓ (1)

En Star Trek desendolques el motor warp y asomen civilizaciones perdayuri. Como a esti llau del cuentu entá nun tenemos el motor warp, SETI tovía ta buscando, buscando tamién resolver la paradoxa Fermi, sofitada na ecuación de Drake, que-y daba a la nuesa galaxa unes cien mil civilizaciones intelixentes. ¿Ú tán, nín? Tamos arrodiaos d'estrelles a mamplén nuna galaxa que ye una más ente miles de millones y, claro, agarrámonos a la probabilidá matemática, a la ecuación de Drake y a lo que faiga falta, favoratibles a los hermanos cósmicos. Oi, que nun tamos falando de vida a seques, eh. Non. Tamos falando de vida intelixente, y eso ye fariña d'otru costal. Pa que la vida (si ye que ye tan fácil pa ella surdir de la materia) desendolque en intelectu necesítase una estrella de combustión lenta y estable, pa que dure y pa que nun mos achicharre pel camín; la estrella tien de tar lloñe d'españíos de supernoves y fontes varies de rayos gamma, perdañibles; lloñe d'otres estrelles, poro del centru la galaxa pero non nos arrabaldes, onde nun hai metal bastante que dea pal inventu la vida.

-¡Carajo, señor Cadarma! ¿Ya está usted otra vez nutriéndose del DALLA? Mire que quejas recibe usted y muestras de alivio cuando recupera el DRAE.

-La inercia obliga, don Fernando.

-Ye una crisis d'espaciu pa espulsar cien y meter diez, don Fernando. Ye espertar pela mañana y tar yá pensando en tirar, en desmontar y tirar.

-El derrumbe de la psique.

-Sedrá.

-Lo que a ti te pasa es que te estás haciendo zen. Zen espacial. Que por algo se empieza. Tenemos que te ha iluminado el Espíritu Santo y ahora necesitas liberar espacio, librarte del cascajo que tupe tu espíritu.

-Home, visto asina...

-Te estás purificando, Senén.

-Sedrá. Yá to pensando en llevantame mañana pa desmontar y tirar y mete-y Solac de cuatro bares a lo que va ser llar zen.

-Hogar, dulce hogar, y más si uno no va tropezando por él.

-¿Tien usté un robó d'esos qu'aspiren y freguen?

-Fundamental. Lo programas y a rezar padrenuestros.

Xente alvertío del Santu Oficiu cuantayá que lu tien. Val pa toa clas de suelos, inclusive esos de cartón que nomen tarima flotante que nun flota nin nada, decodifica Senén.

-Gente perspicaz del Santo Oficio hace siglos que lo tiene. Sirve para toda clase de suelos, incluso esos de cartón que llaman tarima flotante que no flota ni nada que se le asemeje. El jodido robot. Antes de desfallecer de inanición laboral, regresa a su pesebre de electricidad.

-Pos a ver si me lu va financiando usté. Non p'agora, hom. Pa cuando esti cristianu tenga tirao tolo que cafia la tiesta.

Desarmando un arcón y arrancando mierda fueron tres viajes matinales al depósito de residuos con los dedos de la edad anquilosados por el peso de las tablas y menos mal que poco trapo a causa de la bondad del agua hirviendo. Pa entós don Fernando taba tan pacetible al so cafetín puro cola galleta y La Nueva España esfrutando del tiempu atropáu polos casi cinco sieglos que tien de vida y que Senén no cuenta vivir con lo que su organismo de alcohol ha acumulado y de cigarros sin filtro, asina que'l mio deprendimientu tien de ser rápidu y pa pocos años porque nun algamo la edá nin del Chalaneru, que pasa sobráu de los cien. Lo que se quiere decir es que Senén hoy ha trabajado como Pepe el Hijoputa y don Fernando folgó lo que quixo y más y que n'Asturies güei hai un coma cuatro trabayadores por cada pensionista, poro ye meyor morrer pronto pol bien de la sociedá y pa que don Fernando siga gociando del so merecíu reposu.

Tien Senén un bon llabor per delantre, acostumáu más a pallabres qu'a obres. Ta agora metíu en desescombrar delles dependencies del Santu Oficiu mientres don Fernando, va cuatrocientos ventitrés años, un día como ayeri se lucía a sí mismo el amor por el mercado y en cuarta letra del alfabeto el día remataba con tres sendas parejas de vino, blanco él, tinto ella. Falaron de la intimidá na intimidá mirándose averaos a los güeyos de la que Senén, cuatrocientos veintitrés años exactos después, vaporizaba, azulejaba y desescombraba metá agradecíu.

-Escribes textos muy raros, como en bable y en castellano a la vez -nos ha dicho esta tarde una compañera del SO.
-Sí, claro. Senén y Fernando Niño de Guevara.

Senén, enantes d'entamar a pidimiar énte la puerta la ilesia San Llorienzu, estudió y llicencióse en filoloxía, como l'alcaldesa Xixón. Senén ta llicenciáu en filoloxía hispánica. Cuando Senén finó los estudios, nun esistía la filoloxía asturiana, y pa cuando la punxeron Senén yá cayere nel oficiu méndigu. Por una mujer, en 1997. Por aciu una muyer entamare a beber y bebió y bebió y bebiendo perdiólo too y bebiendo siguió leyendo y bebiendo se leyó a los clásicos que no había leído en la facultad, lleó a los grandes del sicoanálisis y fíxose con conocimientos de matemátiques, hestoria, filosofía y cosmoloxía pa siguir pidiendo na ilesia San Llorienzu, fasta qu'estos díes tocó de morros no fondero y sintió la angustia del vacío del callejón sin salida, que es como la del pozo en prospección final.

-¿Cómo te va, Senén?
-Equí, enguedeyando al personal.
-¿Y eso?
-La xente creye qu'esto ye cosa la Cadarma.
-¿La Cadarma?
-El señor Alministrador, hom.

Tenemos a Senén y a NdG tomando dos albarinos na Caleya Imaxinaria refugaes les tapes de frutos secos. Nun hai fame. Ún polo uno, l'otru polo otro.

-Toi frayáu, don Fernando, cago en ros.
-El que algo quiere algo le cuesta, hombre.
-Yá, hom, pero ye que me pasé les hores azulexando ensin parar, un domingu, el día d'Asturies pa más inri.

Nes teles, cuatro pa más señes, ta xugando Rafa Nadal nun sabemos qué perimportante, nel primer día dempués de la illuminación de Senén.

-Recuerdo aquel día, Senén, como si fuera, de brillante que lo vivo, hoy por la mañana. Aquel día plácido, de reflejos que se prolongan hasta ahora mismo, cuatrocientos veintitrés años después. Diferente, como de comunión profana, dos almas en cuerpos cercanos, entrañable tren de vía estrecha.
-¿Qué me ta cuntando, don Fernando?
-Las maravillas perdidas de la FEVE, Senén. Como cuando tú en Vespa te mueves por las parroquias a ritmo de camino vecinal.
-¡Ah, coño! Toi frayáu, don Fernando. Nun-y veo la rellación.
-Te hallas al comienzo de la senda de la sabiduría, esa que te va a llevar a la entrega, a darte al otro.
-¿Qué otru, don Fernando?
-¡Cojones, Senén, el que te arreó la hostia!
-¡Hosties...! ¿Ta falándome d'amosar l'otru papu?
-Y por fin logró que vieras. No te queda otra, Senén.
-Tamién ye verdá, pero toi frayáu, don Fernando. Muncha parede azulexada
-Y lo que te queda, Senén. Pedes in terra ad sidera visus. Buen albariño. Aquella tarde tan cercano a ella... El brote del fruto del árbol de nueve años... Alma mater, Senén; alma mater mi doña Do.

-¿Te parece bien Mantenimiento?
-Claro, don Fernando. Munches gracies.
-Empiezas mañana, domingo, festivo. A las ocho. Cobras aditamento.
-Estupendo.
-¿Estamos rimando? Oye, hablando de rimas, ahora que te encuentro algo mejor, ¿te expongo el discurso del secreto?
-¿Esi qué discursu ye, hom?
-El que te va a evitar más hostias en el futuro.
-Suéltelu.
-Bueno. La señora, tu señora, esposa o barragana, tradicional novia o comunista compañera, ante todo -ante todo-, y pásate por el bajo arco de la indiferencia las palabras escandalizadas de quienes afirman que es imposible, ha de ser tu mejor amigo, así, en género gramatical masculino. Tu mejor amigo.
-Home ho, nun fadie; eso nin el Ramiro Calle. Usté ye que tien cuatrocientos setenta y ocho años, nun me joda. Asina cualesquier lo tien deprendío y prauticao.
-Sí, Senén. Desde que tenía exactamente tu edad. Hasta entonces, habían llovido hostias egocéntricas como chuzos alterados de álter, áltera, álterum, en latín “lo otro”, lo que no eres tú. Tu mejor amigo. Y tu mejor amigo, esa señora tuya, es un baluarte ante la indiferencia del mundo y la maquinaria de los psicópatas, muchos más de los que la medicina reconoce como tales en sus DSM. Has de ser cómplice de esa mujer frente al mundo. Y ahora tengo que dejarte, que, a mi edad, ya son horas de ir recogiéndose en puerto seguro y tú mañana allí sin retraso a las ocho.
-Con Dios, don Fernando.
-No me toques los cojones, Senén.
-Yera coña, hom.

-Que lo dexo, don Fernando.
-Que dejas qué, Senén.
-Siguir pidiendo a la puerta la ilesia San Llorienzu.
-¿Y eso?
-Que fasta equí lleguemos. Que nun puedo siguir viviendo asina.
-Eso está muy bien, Senén.
-Yá, hom. Diéronme un bon toque que me fixo ver nidio que nun pueo siguir asina.
-¿Cómo que un buen toque?
-Un toque escritu, bien escritu, nidiu, con pallabres que remueven y remociquen. Yá sabe usté que siempres me prestó que me dixeren clares les coses.
-A todo el mundo, hombre de Dios.
-Convídolu a xintar.
-Eso no se puede rehuir.
-De puta ma. Oiga, ¿nun tendría pa mio un puestín nel Santu Oficiu?
-Algo hay. Pero vas a jurarme por el mismísimo Jesucristo que lo piensas en serio y meditado.
-Que lo dexo, don Fernando. Que m'espetaron nel corazu la navaya'l verbu. Que teo d'ordename, que yá voi teniendo cierta edá.
-Te ha iluminado el Espíritu Santo.
-Nun seya coñón, señor Niño.
-¿A qué hora?
-¿El qué?
-El qué coño va a ser, Senén: la comida ofrecida.
-Ah, hom. ¿Val-y a les dos?
-Me vale. E informado de la temporal, ¿cuáles son las coordenadas espaciales?
-Ah, hosties, ye que nun toi a lo que toi. La Caleya Imaxinaria.
-A las dos ahí como un clavo.

Como tar al borde l'horizonte socesos. Una mierda. Tamos nesi espaciu nel que la ecuación qu'hai qu'aplicar ye la d'apertar el dentame más tiempu, díu al coñu l'universu.

-El universo no se ha ido al coño, Senén. De un empellón te ha mandado a ti al quinto ídem. Ergo quien se ha ido al coño eres tú. Sé coherente con tu propio enunciado. Goloso este albariño.

-Déa-y ensin medrana.

Pos que, como diz don Fernando, díu yo, Senén Martínez González, al quintu coñu o coñu a seques, toca agora plizcase con fuercia los güevos pa berrar por aciu daqué que duelga. Amás, podíemos tar peor, que don Fernando lleva aguantándome'l rollu tola santa tarde y pa encima convidóme a un Enate onde'l Nanu.

-No hay de qué.

-¿Peta-y un Tramuz, don Fernando?
-Ordena un poco esta cochiquera, Senén.
-Ye que toi fadiáu, hom.
-A ver, ¿qué pasó en esta vuestra historia interminable?
-Que terminó.
-Me sirvo el Tramuz. ¿Cómo que terminó?
-Que terminó, don Fernando; que-y dixi qu'a lo meyor yera meyor finala y dixo que sí ensin ceguñar. Yo díxi-ylo por tantiala, yá sabe usté. Abluqué. Díbemos facer nueve años xuntos.
-Bueno, Senén, juntos, lo que se dice juntos... La tuviste al principio comiendo de la palma de los dígitos y ya te dije yo que con esta te estabas equivocando haciéndole pagar los platos rotos de la Eximia. ¿Te lo dije o no te lo dije? Joder, Senén, haces la carne al punto de sal y plancha como Dios. Si ordenaras un poco esta pocilga... ¿Y ahora qué?
-¿Agora? Qué sé yo. Menudu añu de mierda, don Fernando. Toi collechando lo semao dende lo de la Vaxina Rancorosa.

¿Y qué será de Senén a partir de ahora mismo, las 22,02 de este aciago jueves 5 de septiembre? ¿Será capaz Senén de seguir avanzando por la edad esta vez con la cabeza fría? ¿Habrá aprendido algo de los ouróboros anteriores? Cómo contarle, cómo dici-y a ella que ta falando de verdá, que camudó col pasu'l tiempu la compaña si no lo cree por el precio que ha de pagar por haberse rebelado contra la Eximia, la maldita Eximia que-y fadió les coraes bien dientro por esa concatenación de dos mujeres opuestas.

-Ordena la casa, Senén. Hazme caso.

CRUCIADA CUÁNTICA

Quien escribe trevesando la ponte, pela autovía que va perbaxo un coche atropelló la so solombra. Nun pasó res: nel macrocosmos, coche y solombra pertenecen a dos realidaes que quiciabes solo se toquen nel mundiu cuánticu, onde'l fotón ye tan ondacorpúsculu como los que faen el coche.

VIAXANDO METICÓN PEL GOOGLE

Viaxando pel Google, de xemes en cuando (tate bien, por meticón) atopes col to fracasu. Pasa que'l tiempu pasó y que nun lu aprovecisti, que dibes camín de comer dafechu la to estaya y quedasti coles sobres pa los fatos. Yeres nuevu col tiempu per delantre y valíes y no de to facíes maravíes, dicíen. Ties l'enclín de cha-y la culpa al trestornu que cuasi t'aventa (ta na hestoria clínica) y agora vas cayendo na cunta de que'l trestornu quiciabes foi un berríu d'alarma al que nun-y fixisti casu, la lluz colorao delantre un encruz peligrosu que trevesasti como si tuviere en verde mentanto la xente qu'atopes pel Google tuvo'l xacíu de parar o la suerte d'alcontrar francu'l semáforu. Pelo menos el personaxe col qu'atopasti güei güei ta calvu.

UNO DI NOI

Güei saliónos de los coyones cenar vaca con albarín y pa remate cogordes con pimentón picante, resgando la fueya'l canon. ¿Qué pasa? Un Dalton ye un Dalton, nada que ver colos del sistema que se dexen firir pola máquina la imaxe. Un Dalton come carne roxo con vinu blanco porque-y petó y dizlo de frente. Un Dalton nun se dexa coyer asina como asina. Pa garrar a un Dalton y facelu cromu coleición cazada hai que facelo faciendo sangre, non falando d'ello porque un Dalton nun entiende'l puxu'l sangre. Los Dalton pásense la famiglia pel pelleyu los coyones. La famiglia un día firió al Dalton vieyu nun costazu. Otru día firiólu nel centru la corada. Troféu de la caza la imaxe dos vegaes. Al Dalton nuevu entá nun lu cazó nin Dios de la famiglia, fíu puru d'Antaltech qu'anda pela solombra.

BAXAR ANDANDO (3)

Xubir y baxar andando pela caleya'l parque, que va pelo alto a la vera les víes. Xubir y baxar cola sola compaña de la lluz, de semeya al atapecer. La xente va per baxo, pelo segao y bien asfaltao. Patinetes llétricos, bicicletes, pasiantes con perru, vieyes en pareya o tríu, xente runner trotiando van per baxo. Tu, perriba, mires p'alantre y vas como si caleyares pel monte Deva, cola sola compaña de la lluz, meyor si ye la del atapecer. Sin embargu'l sábadu, camín del ximnasiu, asitiáu en zona crítica, diz la delegada'l Gobiernu, tuvisti de metete ente la turistada vestío del gorru feliz de la Feria Muestres, los sos pantalones curtios esculeraos y los calcetos blancos paletomadrilanos.

FERRUÑU (6)

Pasando agostu como se pue nel horariu recortáu de la Selmana Grande. Pasiándolu, que ye como meyor se pasen les muertes pequeñes. Agostu siempres tuvo pa nós un poco de parca tercera, con esa lluz que pronto va cayer pronto horizonte p'allá, como los madrilanos. Pa pasalu caleyando pa dientro, acabamos de mercar unos auriculares deportivos Pioneer, d'esos que se suxeten alredor les oreyes pa nun andar tol camín espetándolos nos oyíos. Nun faen mala pareya de soníu cola máquina Xiaomi pa too, na que estoy escribiendo sentáu a una mesa nuna terraza paez qu'ensin madrilanos, qu'andarán pela Feria Muestres o dormiendo la mañana.

BAXAR ANDANDO (2)

Martes. Xubir y baxar andando. Xixón, arrabalde, Xixón. Taben matándote les cenes Facebook. Pa una cena sola afáyeste con cualesquier cosa; pa una cena Facebook necesites bastantes más caloríes, munches de les cuales vienen, claro ta, del vinu. Al vinu vienen, gayasperos, el pan y les pataques, nesi momentu nel que yá te da too igual, concentráu na escritura con quesu, fonte la cena de grasa abdominal y muerte prematura. Xubir y baxar andando amás pa nun pensar paráu nos versos de Jorge Drexler, Xurde pa los amigos.

FERRUÑU (5). VIUDA NEGRA

Seliquino, y pa cuando se dio cunta yá ta atrapáu nuna rede emocional de viuda negra pasándolo mal porque nun la tien visto dende'l 28 de xunetu. Esi tar pasándolo mal ye'l velenu, yá nun-yos alcontrar el sentíu a fiestes nin a fines de selmana lloñe d'ella, que nun fai gota por sacar tiempu pa ellos.

BAXAR ANDANDO (1)

Llunes. Baxar andando a Xixón. Pa que'l ferruñu nun te llegue adientro y pa que... El sábadu nun te quedó otra que salir p'au la turistada d'agostu; eso (y equí siguimos colos puntos suspensivos) o pasar el día chau viendo películes criando grasa nel abdome, que yá tas nueve quilos perriba la cadarma máxima. Diz la xente que t'alcuentra meyor asina, con esi pesu, pero la xente vestío vete vestíu y tu, nel espeyu'l bañu, veste esnudu y sabes de qué tas falando.

FERRUÑU (4)

Un románticu, que yeren mui daos a escribir naturaleza que siente les penes del home, diría que'l llunes (suxetu, non alverbiu) ta llorando. Nós, que tamos nel sieglu XXI y tenemos oyío falar del efeutu mariposa, dicimos que tamos nel típicu llunes de mierda de la mierda d'agostu en Xixón. Llunes que, por cierto, casa a les mil maravíes col nuesu llunes interior.

FERRUÑU (3)

Hai xente que llucha. Hai casos ablucantes de xente qu'en síndrome d'Estocolmu vuelve con xente que-y esfixo la vida. Hai xente pa toes les casielles imaxinables, muncho más numberoses que les que tán construyíes pa caballos y burros. Ai, la medrana... La medrana'l ser social, que fux espavoríu énte'l nome la gadaña. Hai xente de moto cústom que pasa más tiempu sacándo-yos brillu a los cromaos que montando nella. Motos muertes de semeya aparcaes. Mundiu nidiu ensin ferruñu.

FERRUÑU (2)

Y sigue falando, diciéndote qu'hai tiempu que va ferruñando, o morriendo si pasamos al ámbitu lo vivo, pa igual facelo dafechu n'agostu, tu, cuando ún ta acostumáu pa estes muertes o ferruños de muerte al mes d'ochobre, qué menos, coño. La culpa nun ye de naide en particular y ye d'ella y de mio, diz, de nun ser nin ella nin yo a llibramos de la entropía'l tiempu qu'esfai y enxamás refai. Ta nidio que no que nél cunta nun supo qué facer cola xenética ayeno, nuevu y vieyu nesi llabor pa espertos sicólogos; que nun foi quien a metese nun mundiu d'otros, o que nun lu dexaron. Agora tóca-y mirar p'alantre, non cayer n'analís de lo pasao, de lo que nun se fixo. El cadabre anticipáu (agonía ferruñosa) tien la sábana enriba, val más nun-y la quitar, non mirar si entá ta vivu.

FERRUÑU

Muerre, sele, ensin esparabanes, ensin foles, ensin glayíos, esbariosu como un camín con xelu. Hai que tener cuidáu, nun-y abrir la puerta al mieu de lo que vien tres la muerte de lo que va tiempu que ye sólo nominal. Nun t'aceleres.

XIXÓN. ALCALDESA 2019

Dicen que l'alcaldesa d'enantes yera humilde, otros que yera rara, yo que nun fixo un res. Foru, en Xixón, foi un gobiernu pantasma allugáu en tierra naide. A la d'agora, que nun mos ta gustando gota porque ta diendo de sobrada ñeta de Stalin, arrayante d'estética feminista rancia con venera de pelegrín, solo-y pidimos que faiga daqué, que ye más que nada, y si ye posible daqué serio d'esquierdes. Nun sé yo. Fasta güei, tien sío valentona y fasta faltosa en pixaes d'esquierda de semeya (la bendición de les agües), pero pal solarón, que ye tarrén daveres d'esquierda municipal, ta cagando mierda neolliberal y pa encima ponse chula. Otros asuntos competencia d'esti bichu cuntólos güei meyor que la Cadarma, en La Nueva España, el maestru Milio Rodríguez Cueto.

LA BARRULADA

La barrulada fai-y competencia deslleal al mundiu canichoni garrándose a la ventaya étnica de la fatocracia. Ves guah.es de la barrulada y tas viendo miniatures de barrulada que nun van desendolcar, camudar. Van espoxigar solamente en barrulada grande, nun cabarru hincháu de sangre de contribuyente.

DESTÍN: LA BARRULADA

El preciu que ties de pagar por vivir como Dios, diz doña Ce, ye aguantar a la barrulada. La barrulada vive tan al marxe qu'ún velo como barrulada. L'individuu A ye calcáu al ZX y al DCHPQ. La barrulada tien fíos a esgaya, vive del cuentu parasitando'l sistema y fai lo que-y sal de coyones y fañagüetes. Y nun hai manera. Intentasti fuxir por tres vegaes de la barrulada pa cayer na cunta qu'ensin barrulada dibes vivir peor y en tou casu les tos matemátiques diben sufrilo. Poro, el to destín ta lligáu a la barrulada de mio amor chachachá.

CAMBÉU (2). DÍES CABEROS: PELA BOCA MUERRE’L PEXE

Enantes nun te dexaben algamar l’estadiu d’invención y progresu porque pa cuando tabes pa ser el putu amu cesábente y hala, guah.e, pa otru llau.
Recoyisti la ropa llavao, sacasti a mexar a doña Lluna, garrasti la moto y colasti p’Asuntos Internos. Atopasti ellí con una funcionaria afogada qu’afirmaba que’l Santu Oficiu yera una mierda, los dos teléfonos y la centralita nun dexaben de glayar, xente interno llegó a facer filera a la puerta nos quince minutos que tuvisti metíu nel espaciosu y soleyeru despachu bien guapu pero pa la so puta ma, cientos de papeles espardíos peles dos meses, la funcionaria alloriando d’una a otra, de la otra a la una, el Santo Oficio es una puta mierda, salmodiaba.

Agora, amigu, ties diez años per delantre pa facete col llabor, ameyoralu y fasta reinventalu. La xente que t’aprecia, que ye muncha xente de la sucursal l’arrabalde’l sur, ta animándote, tien seguranza en ti, tu pues, nin, por fin daquién competente ellí, qué coimes.
Ñudu na boca l’estómadu, hai que tener los ñervos d’aceru y el sangre d’horchata que dicen que tien la titular de los tres servicios. Tres, sí, hom. Tres. Au hebo tres persones resulta qu’agora pa lo mesmo o más hai una, y au te dixeren que dibes pal rexistru d’Asuntos Internos descubristi (yá que te dio por dir) que nun dixeren Rexistru más Atención al Profesional más Centralita más claaaro, hom, y pa cuando me sobre’l tiempu, qué sé yo, podéis mandame a los Archivos.
-Ah, los Archivos, se me olvidaban: están en la cuarta planta. El Santo Oficio es una mierda.
Nun lo ties tan nidio, pero si ellos lo dicen… La cosa ye que tas frañendo la seguridá’l trabayu adomáu a los cincuenta y cinco pa volver a facer sinapsis pagaes
y faltóte tiempu pa garrar la moto a toa mecha y esmucir p’hacia la sucursal l’arrabalde’l sur a xubilate colos de tola vida.

EN DOS SITIOS A LA VEZ QU'EN DENGÚN

Va ser esti un día llargu, aprovecíu. Tamos a les nueve na llavandería y yá fiximos llabor en casa dende les siete y cuartu (tamos entrenando pal horariu nuevu). Dempués toca sacar a doña Lluna pa les sos necesidaes. Recoyer la ropa llavao y secao. De diez a once nun pases perequí, que tamos na hora l'almuerzu, dixeron los d'Asuntos Internos. A les once, entós, habrá que pasar perellí, a char una güeyada, a ambientase. Pocu tiempu porque a la una na Sucursal, qu'eso tien tar en dos sitios a la vez qu'en dengún. Na Sucursal supónse que'l tiempu correrá como ta avezao, como'l dios de la costume manda.

CAMBÉU (1)

Lo único que ta nidio de lo que va entamar el llunes a les ocho la mañana ye que doña Lluna va tener una salida más al día pa mexar. Lo demás son entrugues. Quies empecipiar tresnando'l llabor como lu faes agora y eso ye imposible, nin Einstein nel campu la física. Pasóte que, cuando yeres eventual, nos puestos más difíciles pagó la pena'l trabayu inicial a estaya a cambéu'l gustu de cuando yá te manexabes porque yá fuisti a velu en perspeutiva.

CHÁNDO-Y MAXÍN

El maxín de la xente ye fenomenal: yá los hai que tán montándose "La simiente'l diañu" cuando lo más probable seya un embaranzu atapáu con mecedura de medrana y odiu. Dau'l sitiu au s'alcontró'l cadabre pue ser cosa xitana d'allumamientu por aciu quien nun yera' l pautáu; o pue ser cosa d"Alcobendes, quién sabe. La zona, los prexuicios, la barrulada de mio amor chachachá. Dicía güei ún que tira pa neonazi que los rumanos (los rumanos xitanos, s'entiende) son mui daos a albortar a lo bestia lo ñacío, como si fore cultura d'ellos. Plasmes con él. Quedámonos cola hipótesis xitana d'equí, que val lo mesmo pa los payos d'Alcobendes que, oi, quien diz Alcobendes diz Mataró o Villafranca'l Bierzu o la cai Uría.

EL PUXU LA BIOLOXÍA

Ye'l puxu la bioloxía quien inventó l'amor. La fema entra en celu y el machu, col rixu sexual siempre altu, güel-lo y emburrión per detrás p'alantre cumple coles ordes de la puta bioloxía. Nel home, col so celebru hiperdesendolcáu, la solución nun ye tan cenciella. Ñaz fetu perdíu y la ma necesita pá protexedor y dador pa una bona temporada, pa lo cualo ye necesario que pá se creya namoráu de muyer y fíu tramposos. Lo que pa cuasi tol mundiu animal ye la falcatrúa del celu químicu, pal home ye la falcatrúa de la química l'amor. En cumpliendo col dios biolóxicu, la muyer (van dicime qu'habrá de too, conozo'l rollu) escaezse fasta de sí mesma y más del home que yá dio lo que tuvo de dar (sacantes la bioloxía-y tenga dictao a ella un segundu guah.e) y camuda en ciega pa col fíu y lo que d'él venga. La Virxe María, madre de Dios. Eso si yes el pá del fíu y llegasti a ser güelu del ñetu. Si yes el putu foriatu que llegó tarde, disti cola trabe pal monu caberu.

El paisanu que taba xurgando na basura, vecín del barriu, diz que n'abriendo la bolsa creyó qu'aquello yera un moñecu pero qu'en cuantes vio la materia llento y pegañoso de lo orgánico decatóse de qu'aquello yera un neñu muertu. Añade que'l refugu fíxolu soltar la bolsa y saltar pa la carretera pa parar un coche que pasaba perellí. La pareya del coche al entamu nun dio creitu a lo del ñácaru muertu; foi, por embargu, tanto l'aporfiar ablucante del paisanu testerón que llamaron al 091, que dice un señor que hay un bebé muerto en la basura. La policía vieno volao y comprobó l'horror del ser que ñaz namái que pa morrer darréu, pancima humanu y amás asesináu, yá que fala l'autopsia de dellos tayazos nes coraes, de muérganos dañaos.

a+bi (18.2)

De la que mos taben vendiendo España como país cimeru tu fundístite nes agües más goches nes que te somorguiares xamás, nun preludiu, el de 1992, del mar Muertu de 2008. Los almuerzos en Pozu dieren pasu a les cerveces na casa qu'alquilares en Villamar y les cerveces, siendo poco y yá siendo munches, camudaren en ron empapelaes les parees con dibuxos allucinaos a la cera. Un testu premonitoriu calcó pensatible la rotura entós impensable de 1997 con doña Ce. Alloquecíu nuna mente esbocada lleísti cuasi tou Lobsang Rampa viéndo-yos l'aura a los armarios. Podíes morrer tranquilu, matate ensin salida, suicidate naquella casa de Villamar, que naide nun diba alteriase un res naquella España eufórica del 92.

De la que ñaces y berres porque sigues vivu gárrente y colos restos del paraísu perdíu tírente a un contenedor de basura y vivisti la vida curtia, l'absurdu al máximu de la esistencia humana. Nun pasa nada, probín míu, apenes fuesti fuera de ma; alendasti pa berrar pola espulsión del paraísu ese interior y les tos escases sinapsis nun dieron pa más nel camín de la torna temprana a la nada, cuerpu escosu de ti.

a+bi (18.1)

Colasti volao con doña Ce pa Cuideiru a sustituyir al direutor llocal nuna canonxía consistente en tecliar en papel moyao. Doña Ce, encamentada polos pas, volvió pa Xixón a pasar la nueche como bona fía y non como un putón verbeneru ensin documentación matrimonial. Muncho aguantaben en 1991 les moces d'entós. Dempués la cosa diba quedar pa prau encaraos los pas una vez doña Ce garró fuelgu poniendo fin a los vezos paternomaternales.

L'AGOSTU

1 d'agostu y yá ta'l barriu enllenu foriatonos estorbando con guah.es pela cai y dotaos d'estética xostrona. Ún, pa nun se poner bederre, meyor nun sal de casa n'agostu. Xunetu ye'l mes de la Selmana Negra pa chonis y pa fatos los avioninos de los coyones, pero, ai, amigu, agostu supéralu cola Feria Muestres de papayaes y los Fueos pa madrilanos y demás bichos nun Xixón cuatruplicáu de camisetes y pantalones curtios esculeraos. Xixón, n'agostu, ye la Feria la Mediocridá. Que setiembre llegue pronto.

LA EXIMIA, RETRUCANTE

La Eximia ye, n'esencia, "discrepante". Cuando quieras que daquién nun tea d'alcuerdu colo que vaigas dicir, da igual lo que seya, quedes cola Eximia y gocies. El día que la Eximia nun diga "discrepo", ye que la fin del mundiu va "chegaaar". De momentu, too va bien, el planeta va siguir treslladándose alredor del Sol. La Eximia, ayeri, "discrepó" unes venti veces en cosa dos hores y pico. Nun-y entrugues por qué "discrepa" porque nun da razón y ye como entrugase por qué los cuerpos cayen. La Eximia retruca porque ella ye asina y puntu.

Nuna terraza al llau la Sucursal, arrodiáu catedrátiques de choniloxía ensin la ESO finada. ¿Díes caberos, por Dios? Un 2% güei de lluna visible, equivalente a la lluna llena nel mundiu les almes en pena. Que nun pase nada. Les chonis tán riendo bastamente con hestories d'educación d'arrabalde.

D'HOMENAX N'HOMENAX

Nun hai como cenar en casa, d'homenax n'homenax. Esta nueche con un Letras Minúsculas de 2016, de La Rioxa alavesa, y tres pates de pulpu. L'home solu bien se llambe y s'escribe. L'home solu dempués, na final del día; dempués de tener aguantao a la xente coles coyonaes de caún na sucursal del arrabalde'l sur. Ye imposible refugar l'homenax, coime. L'home solu sólo dempués, a la cena, agora. L'home solu que llabora pa sí, alloñáu de trámites pagaos p'almes en pena, facebooks y twitters, cola sola compaña animal de doña Lluna alendando por arrinca-y ciegamente un día más de los sos quince años a la muerte perra que Lluna nun conoz.

a+bi (17)

Nel branu'l 91 conocisti a ún que ye la mecedura de fatu y llocu, pa encima atuñáu pa colos demás. El probe tenía munches mancadures. Sólo digo que ye capaz de siguir lleendo a Lobsang Rampa, fontaneru inglés. Foi l'añu nel qu'entrasti a trabayar pal Santu Oficiu. Conocisti al maizón porque fixeres bones migues cola muyer (nun se m'entienda mal). Nel ambiente nuevu aquel, la collacia yera universitaria, y na cayida aquella nel furacu llaboral ayén garrástite al clavu ingrientu d'aquella universidá que, cagonrós, tenía maríu patayón: llocu, fatu y agarráu, más roñosu, babayu y chifláu que Marimar, natural de Llión. Yera la pareya'l casu típicu de la muyer intelixente sometida al poder del burru masculín. Ye, ye, ye; yera, yera, yera...

PSOE + 1/10 DE PODEMOS, NÚMBERU COMPLEXU

¿Qué foi d'aquello de la imaxinación al poder? Pámique clisó en tando dicho y nin esguiló nin un poco pela exa d'ordenaes. Nun sé si vos decatastis de qu'ensin ángulu'l númberu nun tien imaxinación y ta condergáu a arrastrase pela exa d'ascises porque l'ángulu nun ye otra cosa que perspeutiva, que ye lo que nun tien el políticu. Raíz a seques de menos un ye paranoya, sicosis, un coxicar pelos praos de la Lluna. Ún nun ta pola imaxinación como sustantivu solu al poder. Non. Ún ta polos númberos complexos, nos que nel poder hai imaxinación, n'ángulu variable. Un poquiyín d'ángulu valnos, yá ves. Un 1+1/10 i, si te paez. Un PSOE + 1/10 de Podemos. Meyor esti númberu que'l 0 de güei pa payares col peligru de la drecha amiyando.

XUXURÍOS

¿Ta dalguién, nun sé, el diañu pequeñín del réxime'l 78 sentáu nel costazu drechu y amarutáu de barón, xuxuriándo-y al oyíu na oreya a Sánchez que si dexa pa prau de payares d'otres eleiciones la formación de gobiernu, si ye que va d'esa, Podemos va sumise pel furacu'l desamor y el tarrén de la esquierda va quedar pa él solu, reconquistáu? Pel llau qu'a mi me toca abúltame que non. Pero pa la España grande, la del votu cagón que munchos nomen responsable, abúltame que sí, que'l diañu pequeñín nun va al debalu, que Podemos ta glayándo-y al Réxime que lu amate.

VÍA MUERTA

Otra vez en vía muerta, ente lo que tresnes colos güeyos zarraos y lo que nun sabes si vas ser a tresnar. De momentu, nun parpaguiar, pa la rutina l'arrabalde d'almes en pena. Ta'l tiempu anublao, fiel a Xixón, fiel a la edá que nun sabes si baxa en tobogán pa la muerte, cañica nun taramingu o tien tovía cuerda pa sorpreses.

DE LO DE GÜEI

Agora la entruga'l millón: ¿de qué val votar al PSOE o a Podemos? Sacantes quieras lleelo en clave de Maquiavelu. Podemos ye una bona torga nel camín del PSOE, ta visto. El PSOE sabe de sobra que l'español mediu nun ta pola esquierda verdadera. Al español mediu viénen-y al maxín les imaxes de los rellatos del güelu de la guerra sofitaes poles teles del réxime nuesu, que pasen les hores falando d'una estrema esquierda qu'axetivada va calando na xente. Sábelo bien el PSOE, puestu ehí na dómina'l 78 pa torgar al PCE, l'auténticu partíu antifranquista. Un pautu agora con Podemos ye antinatural en clave de réxime porque valdría p'abri-y camín y nun vaiga ser que mos termine comiendo con pataques regaes con Ribera'l Dueru pa toos. ¿Ta Sánchez sacrificándose mandáu por quien punxeron ehí al PSOE? El PSOE pautó fasta col diañu pero enxamás col PCE primero y dempués con IU. Al PSOE nun-y importaría pautar con Ciudadanos de nun tar estos tan refugaos. Pero hai lo qu'hai y España o espeña a Podemos o ta pa entregase en cuellu la drecha fasta que'l PSOE llogre mayoría pa él solu, como nos vieyos tiempos. Nun veo a esti país arreblagando p'alantre, tovía.

TERCER DESTÍN

Esta nueche vas chumate a cuentu otra ufierta de treslláu, esta vegada p'Asuntos Internos, de policía cabrón. El sorrollu inicial de la Vaxina Medrosa deriváu en nun quiero beneficióte como nun teníes pensao y agora vas dir ehí al llau de casa nuna vuelta a los orixes pero entrando pela puerta bona, non la de la sucursal ximielga. Vas siguir tratando con xente pero como putu policía de persones se supón que nun sabes si meyor pero sí más educaes. Amás, si se te ponen farruques pues mandales a tomar per culu, o enseña-yos la placa o'l dentame. Garrástite a esta tercer rabasera (SEDAF, SEFOI, Asuntos Internos) d'aire favoratible porque meyor destín nun sabes ónde y de cai de vida nun ties pensao camudar.

Teo'l presentimientu de que mañana (porque ye mañana, ¿non?) va salir Sánchez presidente, de que too foi un xuegu cucios porque nun puen ser tan necios, etc., etc, nesta ñora borrinosa del quiero nun te pueo dar. Teo'l presentimientu, pero quién sabe.

Pasao mañana vamos ver si l'aburrición foron dos estratexes maquiavéliques o a cencielles ye imposible, p'aliviu los facheríos vertical (PP, Ciudadanos, Vox) y horizontal (JxCAT, ERC, Navarra Suma, Coalición Canaria), armar el gobiernu en teoría más a la esquierda no que va d'hestoria del réxime'l 78.

a+bi (16.2). D'AG

Esta continuación ye de cuando faes el pinín nun garrando les poques oportunidaes que te pon la vida delantre'l focicu porque nun tas p'apreciar que fixere apagar la lluz de la Corrada pa la botella de cava con veles que pidió llantar a escures sobre la mesa, veceros y non veceros mirando pa vós; que l'Aute algamare slowly'l cume de sí. Fuxeres d'AS y de la dulda nel caberu instante en tren a Valladolid pa con AG, amburestis el cascu antiguu y fixístite caca nos pantalones: entrárete'l vértigu a siguir siendo feliz con quien d'aquella yera calcada a ti. Quixisti más volver cola mentira de la ma vicaria, asina que fádiate, por medrosu, por cagón.

FaceApp

Quédense coles cares pa facer nun sé qué conspiranoicu, pero tando acostumaos a lo que con nós fae Google... Hai tiempu que-yos entregamos la intimidá, bien contentos. La mayoría somos una partícula más nun par de miles de millones tirando perbaxo, asina que qué más da, ¿eh, ho?

L'ésitu de la FaceApp creyo yo que ta en que con ella facémonos spoiler, y si hubiere una app na que apaeciéremos na caxa'l muertu diba petalo de tanto que mos diba petar. Somos meticonos hasta con nós mesmos, eso ye humanu y nun tien falta d'igua.

a+bi (16)

Ye l'Aute un bon poeta cantautor de llargu percorríu na to hestoria, asociáu mayormente a les muyeres de pallabres mayores. Paríu al alba por Ada en 1983, foi a morrer en 2001 bailláu (cantar de YouTube) con AG, de Valladolid, doctora del SO, n'amor que nun algamó a ser por culpa d'AS, d'Asturies, profesora del MEC. Homónimes, pudo más la costume'l tiempu, total pa nada. ¿Qué sedrá d'AG? D'entós p'acá la costume frayó en milenta cachos aventándola (l'Aute incluyíu) a ca Dios la necesidá. Nello tas.

2019-2020

Ta la xente ilusionao col tercer llabor de Torrecilla dempués de los dos estropicios anteriores. Ún sigue roceanu, nun se fía, otra temporada más, la 2019-2020, alloñáu d'El Molinón. La camiseta'l Sporting, fea a rabiar, ye un xostru asimétricu a xuegu cola lliga asimétrica. El sindiós pal TOC del fútbol profesional. Amás, la insinia'l Sporting nun se ve, tapecida pola asimetría ancha.

L'Uvieín quier mirase nel espeyu'l Sporting afirmando que yá val de trayer puxarra foriato y que lo qu'hai que facer ye un Uvieín abelardu de guah.es.

Ver veremos.

a+0i (incisu de presente 3)

Ye esta una selmana de rocea por mor de los lladrones de cuerpos, buxa per momentos, estropiada por aciu la bona salú. Aseláu en ti pa pasar la nueche na que vas camín d'otru, gufando, esprecetáu per momentos, aporfies, anecies en fadiar la selmana de vacaciones, tol putu día n'áscuares.

a+0i (incisu de presente 2)

El Sistema Nacional de Salú, ultracuerpu grandón de la Política Correuta, va semando vaines perhí, duérmeste y cuando espiertes yes un non fumador. Tamos arrodiaos d'ellos, acaldía hai más, llexón de muertos vivientes pa diez años más de vida, dixéronte. Déxate llevar, ye pol to bien, aporfiaben en 1978 los fíos de la vaina, l'EPOC nun tien vuelta atrás. A los fíos de la vaina conóceslos porque empiecen a engordar y a ponése-yos la pelleya guapo someyando moñecos, l'alma ausente. Ties llantada la vaina al final del pasadoriu.

a+bi (15.2)

Yeren tovía tiempos de melena, de pelo caltenío pelu a pelu. Trenta y siete años nel futuru lo meyor que pues facer con ello ye tayalo, quitar d'enriba la serda. El Xesucristu aquel Superstar qu'oyía a Víctor Manuel quedó ensin nun recuerdo qué polo que naguaba por caltener la melena un poco más.

a+bi (15.1)

Si llegar lleguen a dicite en 1982 que dientro trenta y siete años vas dir en calzones pela cai caleyando quilómetros por caleyalos escuchando per teléfonu a los Bee Gees gastando datos baxaos d'una ñube alministrada por una empresa que va nomase Vodafone, pon que fore de la que dibeis pal institutu na reuta cabera del COU, más polos Bee Gees que pola ñube dibes entruga-y si almorzare sidre al Xesucristu aquel Superstar qu'oyía a Víctor Manuel.

a+0i (incisu de presente)

Ye vienres. Tas chando'l pitu caberu'l paquete Lucky Strike que mercasti'l llunes. Una manera como otra cualesquier de fadiar les vacaciones. Eso sí, oi, lleves más de sesenta quilómetros caleyaos dende'l sábadu: si se fai bien, fumar muncho menos o non fumar acadarma. L' ultracuerpu ha quedar bien finu.

a+bi (14.3)

El casu ye qu'en 1991 finó xugar a la tanxente pa percorrer puntu per puntu'l camín de pá, que nun queríes pa ti. Por eso ye que ves agora a la mocedá d'agora qu'agora ta algamando la indeterminación de la tanxente y arrepanchigáu na siella'l Santu Oficiu díceste: Probinos, yá se calcarán la hostia.

a+bi (14.2)

Ves a la xuventú de cosenu menguante p'hacia la indeterminación de la tanxente que se creye infinita, xente ciego que nun sabe pola edá que'l puntu d'aunión que ta na circunferencia goniométrica de la vida tien bien garrada a la tanxente pela fañagüeta. Si nun entiendes un res, tu déxate llevar pol soníu, ¿sabes qué te digo?