El paisanu que taba xurgando na basura, vecín del barriu, diz que
n'abriendo la bolsa creyó qu'aquello yera un moñecu pero qu'en cuantes
vio la materia llento y pegañoso de lo orgánico decatóse de qu'aquello
yera un neñu muertu. Añade que'l refugu fíxolu soltar la bolsa y saltar
pa la carretera pa parar un coche que pasaba perellí. La pareya del
coche al entamu nun dio creitu a lo del ñácaru muertu; foi, por embargu,
tanto l'aporfiar ablucante del paisanu testerón que llamaron al 091,
que dice un señor que hay un bebé muerto en la basura. La policía vieno
volao y comprobó l'horror del ser que ñaz namái que pa morrer darréu,
pancima humanu y amás asesináu, yá que fala l'autopsia de dellos tayazos
nes coraes, de muérganos dañaos.
No hay comentarios:
Publicar un comentario