EL FORNU LA GUARNICIÓN DE
LA CADARMA
Foron esos cuatro años
(1979-1983) el fornu onde se cocinó la guarnición de la Cadarma.
Cuarenta años dempués equí la tienen tovía escribiendo. Cuarenta
tresllaciones alredor del Sol nun son cosa que se puea tomar a risa.
Son cuarenta tresllaciones aborronando papeles con pallabres fraguaes
cola materia trupo d'aquellos años. Lo que nun ye guarnición ye
anterior y ehí sigue dacuando tocando los coyones.
La guarnición entamó a
cocinase a 858,6 quilómetros diendo güei pela A-4 y finó na cama
con Ada o l'ardor con Aute de fondu. Tolo demás, quier dicise
dempués, foi un dir tirando como un güe del carru cuchu en que
camudare la guarnición. Tamos agora a puntu de mandar toa esta repla
pel sumidoriu d'entós que ta a 858,6 quilómetros diendo güei pela
A-4. Bono, cuasi tola repla.
No hay comentarios:
Publicar un comentario