D'HOMENAX N'HOMENAX
Nun hai como cenar en casa, d'homenax n'homenax. Esta nueche con un Letras Minúsculas de 2016, de La Rioxa alavesa, y tres pates de pulpu. L'home solu bien se llambe y s'escribe. L'home solu dempués, na final del día; dempués de tener aguantao a la xente coles coyonaes de caún na sucursal del arrabalde'l sur. Ye imposible refugar l'homenax, coime. L'home solu sólo dempués, a la cena, agora. L'home solu que llabora pa sí, alloñáu de trámites pagaos p'almes en pena, facebooks y twitters, cola sola compaña animal de doña Lluna alendando por arrinca-y ciegamente un día más de los sos quince años a la muerte perra que Lluna nun conoz.
No hay comentarios:
Publicar un comentario