La cadarma que llee

FONTE DE TIEMPU

Fai bien d'años saqué-y una semeya a una moza, la fonte detrás d'ella. Tábemos nel entamu la rellación, lo que quier dicir que mos prestaba tar xuntos. Ella tovía nun conocía los mios llaberintos, yo inda nun sabía qu'ella cola tiesta esbarrumbaba una parede. Perhí, ente les obres completes de la casa, andará la semeya, toos con venti años menos. El casu ye qu'ayeri topé con ella (cola fonte) de casualidá, en Ruedes.