La cadarma que llee

Xueves. Nun hai tertulia, nun hai axuntanza. La muyerada acoyonó col temporal. Qué temporal, nin? Nun sé. Qu'esta nueche nun matamos el tiempu falando? Matámoslu escribiendo, novedá nun ye, y pa encima ameyoramos el vinu y cenamos carne roxo. El vinu ta siendo un château Margerots de 2014, Bordeaux que, como'l Rueda bueno, ye supérieur. Nun hai alderique y lo que hai ye un bolígrafu silenciosu y Spotify. Lo meyor del día ye'l primer pitu y ye la cena si ye cena que preste. Perra Lluna nagua polos roxos restos. Ser humanu tien que vas al mercáu y lléveste al butiellu lo meyor y regao con vinu; ser perra mascota lo que tien ye que te pases tou'l día llambiéndote la clica. De poder escoyer, que caún escueya. Xueves. Château Margerots.