La cadarma que llee

EL GRAVE PROBLEMA ESTÉTICU DE PABLU CATEDRALES

Comentábemos güei que’l problema la casona Pablu Catedrales ye más que nada un problema estéticu. Si Pablu Catedrales, en llugar de mercar el xalé Lola Flores, merca una casa pueblu bien curiosa integrada nel mediu rural, amás pola metá preciu, pola metá de pufu, nun tendría pasao nada o a lo menos nun rompería la imaxe que tenemos d’él o él quier danos. Porque, vamos ver, ¿cómo voi confiar agora nun hortera con piscina d’hotel marbellí? La horterada, créyanlo o non, diz muncho d’un paisanu.